Frei Hermano Filipe
Loron 11 fulan Outubru 2012, loron ne'ebé hahú Tinan Fiar nian, Konsellu Pastorál Dioseze Baukau nian apresenta tiha ona ba sarani-sira pájina ida iha internet ho lia-tétun atu tulun sarani-sira selebra tinan espesiál ida-ne'e ne'ebé sai oportunidade di'ak tebes atu ita hotu, hamutuk iha Igreja, nu'udar komunidade no família ida, haklean ita-nia fiar iha Jezús Kristu, ita-nia Maksoin.
Iha www.haufiar.com ita bele hetan materiál oioin atu estuda, reza no selebra fiar ne'ebé ita hakarak profesa ho neon no laran tomak.
Konsellu Pastorál, hamutuk ho Vigáriu ba Pastorál, Amu Arlindo, sei buka atualiza beibeik pájina internet ida-ne'e ho notísia no materiál ne'ebé relevante ba Tinan Fiar nian ida-ne'e ne'ebé Amu-Papa konvoka ba Igreja tomak no sei remata iha loron 24 fulan Novembru 2013.
Dioseze Baukau mós iha pájina iha Facebook ne'ebé bele asesu iha www.facebook.com/haufiar no iha ne'ebé ami hein "feedback" ruma husi ita-bo'ot sira.
Fatin ida-ne'e mós bele sai hanesan fórun atu rona no hatán ba sarani-sira nia lia-husu liuliu foin-sa'e-sira.
.
Sem comentários:
Enviar um comentário
Nota: só um membro deste blogue pode publicar um comentário.