Jornal Nacional Diario - Sesta-feira, 19 Outubru 2012
Debate Orsamental tinan oin ba nesesidade Estadu nian, bancada
FRETILIN sujere meza Parlamentu Nasional (PN) tenki moderadu no
ekilibriu hodi labele favoritismu liu ba Bloku Koligasaun Parlamentar.
Tuir Deputadu Bancada Opozisaun FRETILIN, Eladio Faculto, ne’ebe foin
sente ambiente debate orsamentu, liu-liu iha orsamentu retifikativu
liu dadauk ba, senti preokupadu tebes, basa meza PN ladun fo
oportunidade ba deputadu sira atu halo intervensaun.
“Prezidenti PN nia lideransa diak, Lideransa ne’ebe nakonu ho
respeitu, maibe so que nia foin hahu lidera, ne’ebe nia mos sempre
tama ho komplesidade no hein katak, iha debate fali mai nia sai
moderadu ne’ebe diak liu tan,” hateten deputado Eladio Faculto ba
JNDiario iha uma fukun Parlamentu Nasional, Kinta (18/10).
Eladio, husu ba Presidenti Parlamentu Nasional (PN) atu fo
oportunidade ba membru Parlamentu sira atu hato’o sira nia ezizensia
kona ba problema povu nian ho klean no labele muda deputadu nian Hanoi
hodi halai ses husi asuntu.
Nia afirma, kestaun luta ba interese partidu ka grupu ruma ne’e
normalmente sempre akontese husi origin partidu ida nian, maibe sai
nuudar lideransa tenki hamriik independenti para kaer norma, nune’e
ema hotu bele sira nia hanoin.
.
Sem comentários:
Enviar um comentário
Nota: só um membro deste blogue pode publicar um comentário.