Akordu IUA Mate Iha 2013; “Negosiasaun TL-Australia Kontinua La’o”

.

Jornal Nacional Diario - Kinta-feira, 18 Outubru 2012 

Akordu International Unitisation Areement (IUA) nebe Governu Timor Leste ho Australia asina iha Marsu 2003 ba area Joint Petroleum Development Area (JPDA) nebe sei mate iha 2013, maibe negosiasaun entre Timor Leste-Australia sei kontinua lao hodi bele hetan solusaun. 

 “Agora ne’e iha prosesu negosiasaun ida que kontinua hela ne’ebe ita nia Ministeriu Rekursu Naturais, ita nia Autoridade nasional Petroleum sira ne’e servisu hela halao hela servisu ne’e, ne’ebe ita hein, ita halo buat hotu tuir dalan, tuir akordus ne’ebe ita asina, ita ho seridade maibe firmeza, buat ne’ebe ita haree katak, ne’e tuir justica, tuir diretu pertensia ba ita, ita Timor oan hatudu tiha ona dala barak katak tempu bele naruk maibe ita sei manan,” Ministru negosiu Estranjeiru, Jose Luis Guterres deklara asuntu ne’e ba JNDiario, kuarta (17/10) iha Edifisiu MNE, Pantai Kelapa, Dili.

 Koalia kona ba oinsa prosesu negosiasaun hodi dada pipeline mai TL, Jose Luis Guterres dean,” Rekursu naturais biat ne’ebe ita nian ne’e ita tenki defende, ne’e Timor tomak, ne’e povu tomak tenki defende, nusa mak ital abele defende,” dehan nia. 

Ministru ne’e sublina liu tan katak, atu mehi Timor Leste sai realidade GS dada mai Timor Leste, maibe presiza movimenta rekursu diplomatiku no seluk tan. 

 Jose Luis Guterres mos dehan tana, MNE komitmentu defende GS dada mai TL, tanba nuudar obrigasaun no moral hodi defende riku soin Timor. 

.