“Profesores Baku Malu Aktividade Aprendizazen Paradu”

.

Jornal Nacional Diario - Kinta-feira, 06 Setembru 2012

Prosesu aprendizazen ba alunus Eskola tekniku Profesional Palaban, Distritu Oecusse iha loron segunda dader (03/09), tenki paradu tanba profesor baku malu.

Akontesementu Profesor sira baku malu ne'e tanba deskonfia malu katak, Ministeriu Edukasaun koa salariu profesores neébe la kumpri orariu serviso nian ne'e tamba kesar malu.

Kontaktu fiziku ne'e, Profesores Hillari Sasi hetan tuku no Pankada husi nia maluk profesores maibe la dun grave tamba hetan intervensaun husi alunus no maluk profesore sira seluk.

Hafoin ne'e, Hilario sasi iha nia intervista hateten katak, laos nia mak iha inisiativa atu hato'o keixa maibe momentu ne'eba ekipa inspensaun tun diretamente hodi rekoila dadus husi absensia ba profesores ne'ebe tama tarde no falta.

"Hau la hatene no la hato'o keixa mai edukasaun, maibe iha momentu ne'eba ekipa inspeksaunba nivel eskola tekniku nian, Mateus Poto halo vizita ami nia eskola hodi husu absensia hodi foti dadus, hau entrega ba nia, hodi nune'e sira dehan hau mak halo keixa," nia konfesa.

Hatan kona ba akontesementu ne'e, Mateus Poto hateten, nia parte halao serviso bazeia ba estatutu Funsaun Publika no Regras Edukasaun nian.

"Hau halaó serviso ne'e bazeia ba lei estatutu Funsaun Publiku, laos hau tur mehi hodi implementa sira atu oho hau ka, ne'e hau halao serviso,"dehan nia.

Nia hatutan, knar nebe nia simu atu asegura no halo kontrolo ba serviso funsionariu sira, liu-liu ba profesores nia serviso iha eskola, tanba ne''e mak nia kumpri serviso ida ne'e.

.