“PM Xanana Asina Kontratu Hakotu Mandatu ONU”

.

Jornal Independente - Kuarta-feira, 26 Setembru 2012

Primeiru Ministru Xanana Gusmao asina ona kontratu hodi hakotu mandatu Organizasaun Nasoens Unidas (ONU) iha Timor Leste. Kontratu ne’e asina bainhira, Xefe Governu Timor Leste ne’e partisipa iha asembleia Jeral Nasoens Unidas (25/9).

 Liu husi karta komunikadu, Prezidensia Konsellu Ministru, Heremengildo Pereira (Agio), haktuir, kontratu ne’e asina bainhira PM Xanana partisipa iha asembleia-jeral ONU ba 67 iha Niva Iorke.

“Vizita husi Primeiru Ministru xanana Gusmao, asina tiha ona importante mudansa husi parte ita nian, relasionamentu ho Nacoes Unidas, ita nia ambiente konsolida liu ba paz no seguransa hodi premiti katak, rekursu hirak husi misaun ONU nian bele fila ba situasaun krizi ne’ebe akontese iha pais seluk iha mundu,” dehan Porta Vos Agio Pereira.

 Iha assina akonrdu ne’e, PM Xanana Gusmao hakarak TL iha relasaun inovador ida ho Nacoens Unidus hafoin hakotu mandatu misaun integradu ONU (UNMIT) iha pais ne’e, tuir data ne’ebe marka ona, iha 31 Dezembru 2012, exklui prezensa husi kualker tipu misaun husi Organizasaun ne’ebe iha Timor Leste, hafoin liu data refere.

“Ita sei kontinua serviso diak atu hametin ita nia relasaun ho estadu-membru sira seluk husi Nasoens Unidas hodi tau matan iha koperasaun konstrusaun nian husi estadu no husi dezenvolvimentu nasional,” akresenta Agio.

 PM Xanana Gusmao, ne’ebe hala’o nia viazen iha loron sabadu hodi dezloka ba Nova Iorke, akompania husi Ministru negosiu Estranjeiru, Jose Luis Guterres, Ministra Financas Emilia Pires ne’e, sei ba halo inkontro bilateral ho Prezidenti Liberia nian, Ellen Johson-Sirleaf no Sekretariu Jeral ONU, Ban Ki-Moon, ne’ebe iha fulan Agusto hala’o ninia vizita ida iha Timor Leste.

.