Jornal Independente - Kuarta-feira, 12 Setembru 2012
Ministru Comersiu Industria no Ambiente (MCIA) laiha ona toleransia ba emprezariu sira ne'ebe mak hasa'e folin nesesidade baziku tuir sira nia hakarak.
Tuir planu, ekipa MCIA sei halo inspeksaun ba loza importador sira, karik identifika iha duni manipulasaun sei hasai lisensa negosiu seim husu atu hadia.
"Ema labele halo manipulasaun atu rai sasan iha sira nia armazen hodi nune'e halo aspekulasaun ba presu iha Merkadu, hodi hasae fali sasan nia folin, hau bele dehan, sira la hadia sei kona sansaun, primeiru sei hapara lisensa negosiu," dehan dehan Ministru ne'e iha CCD, iha Tersa (11/9).
Alende hapara lisensa, Antonio dehan, sei aplika mos lei ambrakamentus kapitais tanba neé iha atu fo protesaun ba konsumidores.
"Sira ne'ebe mak halo manipulasaun ba sasan nia sira nia kriminaliza, lei ne'e iha tiha ona, bainhira manobra ruma, ema laiha komprementu ba lei sira ne'e, sei hetan sensaun," dehan Antonio.
Nune'e nia haktuir tan katak, MCIA iha ona planu atu harii emprezas estatal nesesidade baziku hodi sai sentru logistiku nasional hodi kontrola folin nesesidade baziku iha merkadu.
.
Sem comentários:
Enviar um comentário
Nota: só um membro deste blogue pode publicar um comentário.