“Kazu Hera Besik Finaliza Ona”

.

Jornal Nacional Diario - Kuarta-Feira, 19 Setembru 2012

Kazu Hera ne’ebe deskonfia oknum Policia Nasional Timor Leste (PNTL) tiru mate estudante Universidade Dili (UNDIL) Armindo Pereira iha Suco Hera, Distritu Dili fulan Junu 2012 foin lalais, ninia prosesu besik finaliza ona, tanba hein deit kompleta administrasaun depois entrega ba Ministeriu Publiku (MP).

“Kazu Hera besik ona finaliza, maibe prosesu lao nafatin, tanba hela deit buat kikoan balun, hanesan administrative hodi bele finaliza depois ita intrega ba tutela halo promosaun kontinuasaun,” esplika komandante Serivu Investigasaun criminal (SIC), superentendente Calistro Goncaga ba Jornalista, Tersa (18/9), iha Kuartel Jeral PNTL Caicoli, Dili.

Aliende ne’e mos, Calistro informa kona ba kazu ema deskoinesidu oho mate elementu F-FDTL, Tenente Cistovao da Silva iha Kintal kiik Dili, iha fulan Agusto foin lalais ne’e katak, kazu ne’e rasik nia prosesu submete ona ba prosesu investigasaun, tanba SIC rasik hasai deklarasaun balun husi ema balun.

Kona-ba autor neebe involve, Calistro dehan katak, to’o oras ne’e suspeitu seidauk halo kapturasaun, tanba deskonfia ema sira ne’e halai hotu ba distritu.

Nia hatutan tan katak, kualker kazu ne’ebe mak akontese, husi SIC sempre hato’o ba tutela hodi halo prosesa investigasaun, tanba prosesa finalizasaun ba kazu ruma laos iha SIC nia liman

.