"Deskonfia ME Anterior Sosa Ekipamentu TV Uzadu Ho Millaun $1.4"

.

Jornal Independente - Segunda, 10 Setembru 2012

Deskonfia Ministeriu Edukasaun (ME) iha Kuartu Governu Konstitusional ne'ebe lidera husi eis Ministru Joao Cancio freitas gasta osan millaun U$1.4 hodi sosa ekipamentu uzadu hodi harii Televizaun Edukasaun.

Osan Millaun U$1.4 ne'e aloka iha orsamentu Jeral Estadu tinan 2011 maibe to'o ohin loron Televizaun ne'e seidauk harii.

Komisaun Anti Korupsaun (KAK) halo ona intervensaun hodi investiga kazu ne'e tanba ekipamentus ne'ebe sosa hodi harii TV edukasaun, deskonfia sasan mesak uzadu (second hand).

"Uluk kuandu planu sosa ekipamentu ba TV, ita taravesa ke kompania lokal ida husi Darwin (Australia) depois hatama sasan, deskonfia iha alegasoens katak, sasan sira ne'e second hand," dehan Diret9r Jeral ME ba Independente (7/9) foin lalais ne'e.

Diretur Jeral, ne'ebe antes ne'e servisu ho eis Ministru Edukasaun Joao Cancio ne'e dehan, nia rasik la involve iha prosesu harii TV Edukasaun.

"Hau rasik la involve, hau rasik bolu ba KAK mais hau resposta ida ne'ebe hau hateten ba KAK, hau la hatene," dehan Diretur Jeral ne'e.

Oras ne'e dadaun, Direrur ne'e dehan, sira prepara materiais, giaun ba profesores, giaun ba alunus, material kona ba mate-matika, kona ba fizika atu implementa bainhira TV ne'e estabelese.

Antes ne'e, KAK investiga ona eis Vice Ministru Edukasaun Paulo Asis no iha planu sei bolu Eis Ministru Edukasaun Joao Cancio.

.