V Governu Ministru-SE Hamutuk 50 Resin, Fretilin: “Ne So Atu fahe Kadeira No Habokur Malu Deit”

.

Josefa Pereira

Suara Timor Lorosae - Segunda, 06 Agustu 2012

DILI–Kintu Governu ne’ebe lidera nafatin hosi Xanana Gusmao ho nia membru governu hanesan Ministru no Sekretariu Estadu hamutuk 55, bankada FRETILIN konsidera katak ho Ministru no Sekretariu Estadu barak so atu habokur malu deit.

Depuatada husi bankada FRETILIN Josefa Pereira hatetn estrutura V Governu koligasaun bo’ot liu nasaun vijinu balu, ne’e hanesan gasta osan no habokur a’an iha estadun ne’e nia laran.

“Estrutura ida ne’e estrutura ida ke bot tebes, ita nia estrutura nia makina ne’e bot teb-tebes lolos ne’e osan ita gasta hodi hare ita nia povu iha area rural ne’eba, duke ita habokur malu deit iha estadu ida ne’e” hateten deputada Josefa Pereira, ba STL iha uma fukun Parlamentu Nasional Segunda (6/8).

Nia hatutan tuir nia hare estadu mos tenke hasai osan barak tuir estrutura ne’ebe mak iha, tanba ne’e tuir nia katak ida ne’e la efisiensia liu no sei lori impaktu makas ba nasaun no povu iha nasaun ne’e. Madalena Horta/Thomas Sanches

.