Turneu Mundial Fotebol Jovinil: “Ekipa Fotebol TL Sub 12 Sai Vensidor Iha Segundu Lugar”

.

Notisia Husi TVTL - Segunda-Kalan, 06 Agustu 2012

Ekipa Nasional Timor-Leste Sub 12 hetan segundu lugar iha turneu mundial Fotebol Jovenil ne’ebe hala’o iha Korea Do Soul, ekipa Nasional Timor-Leste ne’e, lakon ho Korea do Soul ho valor sinku-kuatru (5-4) liu husi marka penalti.

Iha sabadu foin lalais (4/8), ekipa nasional sub 12 fila hikas mai Timor-Leste, familia husi jogador sira inklui komunidade balun simu jogador sira ho kontenti tamba bele lori Timor-Leste nia naran ba hatudu iha mundu tomak.

Wainhira sai husi Airo portu Internasional Prezidenti Nikolau Lobatu, Dili, jogador sira akompania husi familia no mos komunidade halo konvoi hodi haleu sidade Dili.

Hafoin ne’e, kontinua ba semiteriu Santa Cruz hodi fo omenazen ba sira nia maluk jogador Aleixo Araujo ne’ebe oras ne’e fila hikas ona baa man maromak nia Kaduna.

Ho talentu ne’ebe jogador sira iha, konsege hamorin Timor-Leste nia naran iha Korea do Soul, Korneilos Kortela sai maior markador no Moijes Bareito sai maior jogador iha torneu ne’ebe partisipa husi nasaun sira.

Iha primeiru jogu Timor-Leste manan Madagaska ho valor 1-0, iha segundu jogu ekipa nasional konsege manan Jepaun ho valor 9-2, ekipa Timor-Leste mos manan ekipa matadoro espainha ho valor 3-0, iha jogu kuatru finais Timor-Leste hasoru Indonesia, Timor sai Vensidor ba jogu ne’e ho valor 4-0, iha jogus meas finais Timor-Leste lakon ho uma nain Korea do Soul 4-5, liu husi marka penalti.

Nune’e mos, Kornelus Kortela marka golu 6 iha turneu ne’e no sai vensidor ba markador iha jogu ne’e.

Moizes Bareto sai Melor jogador mos senti kontenti ho prestasaun ne’ebe nia hetan, tanba nia bele vensidor iha melor jogador iha turneu fotebol ne’e.

Ho talentu no prestasaun ne’ebe Kornelus no Moizes hatudu, durante jogu konsege hamonu nasaun balun nia laran, Akilis mos hetan oportunidade hodi ba tuir treinu iha Spainol, iha Clubu Malaka.

Timor-Leste konsege to’o iha mes finais maibe treinador Mister Kim la konkorda ho rejultadu ne’e, tamba nia konsidera iha arpitrazen ne’ebe lidera jogu finais ne’e la netrolu.

Timor-Leste iha instituisaun ida ne’e fo apoiu ba fotebol iha Timor-Leste, instituisaun ne’e mak F-FTL ) Federasaun Futebol Timor-Leste maibe federasaun ne’e la fo apoiu ba ekipa ne’ebe konsege hamorin Timor-Leste nia naran iha rai liur.

“Hau ema estranjeiru, hau la kumriende F-FTL nia servisu, la bele hamosu problema, loloos F-FTL tenki azuda Timoroan iha area fotebol, maske hau ema Korea maibe hau hadomi Timor-Leste, liu-liu labarik kiakoan sira, liu husi Fotebol” dehan Treinador Mister Kim ho Lian Indonesia.

Maibe sira mos espera katak, iha futuru fotebol iha Timor-Leste bele la’o diak atu nune’e bele foti nasaun Timor-Leste nia naran iha rai liur.

.