TR Presiza Tempu Diside Kazu Eis MJ Lucia Lobato

.

SAPO TL ho Suara Timor Lorosae - 21 de Agosto de 2012

Tribunal Rekursu Presiza tempu hodi estuda no hare didiak kaju eis Ministra Justisa (MJ) Lucia Lobato, atu nune desizaun nebe Tribunal fo sai lo’os tamba kaju nebe eis Ministra komete ne’e laos kaju simples.

Prezidente Tribunal Rekursu Claudio Ximenes hatete, prosesu Lucia nian tama ona iha tribunal Rekursu no fahe ona ba zuis atu hare no estuda hodi diside, maibe komesa loron 1 to’o 15 foin lalais ne’e Tribunal taka.

“ Proseu sira ne’e laos buat simples ida tamba ne’e mak tribunal tenki hare nei-neik no iha tempu atu hare no tetu didiak, atu nune desizaun nebe sai mai bele sai lo’os no labele desizaun nebe sai mai ladun loos,” dehan Claudio ba Jornalista Segunda (20/8) iha Parlamentu Nasional hafoin Komemora Loron Falintil ba dala XXXVIII.

Hatan ba rejultadu ikus husi kaju Lucia Lobato nian, Claudio hatete nia parte seidauk hatene loos tamba kaju Lucia nian laos nia mak kaer prosesu maibe zuis seluk mak kaer.

.