“Serimonia Tomada de Posse ba Kintu Governu Konstitusional Sei Hala’o Iha Palasiu Nobre Lahane”

.

Notisia Husi TVTL - Tersa-Kalan, 07 Agustu 2012

Memebru foun ba Kintu Governu Konstitusional sei simu pose iha salaun Palasiu Nobre Lahane, Dili, (8/8), Serimonia Pose ne’e, sei hahu iha tuku hat (4) lokraik no hetan transmisaun direta husi RTTL.

Komisaun organizadora ne’ebe responsabliza husi Prezidenti da Republika oras ne’e dadaun komesa halo preparasaun ba loron tomada de posse ba membrus do Governu foun.

Salaun Nobre lahane sai nuudar fatin ne’ebe sei utiliza hodi hala’o serimonia posse ho konvidadus 5000 resin inklui embaixadores nasaun seluk iha Timor-Leste.

Preparasaun ne’e hala’o ona iha loron 3 nia laran no oras ne’e atinji ona 100 pursentu.

Iha preparasaun ba limpeza Jeral ne’e, komunidade hamutuk 30 resin mos partisipa iha limpeza ne’e, ne’ebe komesa husi sexta-feira kotuk no hetan kompesensasaun husi komisaun organizadora.

.