“Ro Lusitania Inagura, Primeira Dama Sai Inan Sarani”

.

Jornal Nacional Diario - Segunda, 27 Agustu 2012

Primeiru Ministru Xanana Gusmao, Sabado (25/8) ofisialmente inagura Ro Lusitania nebe Governu sosa ba unidade Plisia Maritima (UPM), serimonia inagurasaun ne’ebe hala’o iha Portu, Dili, Primeiru Ministru Xanana Gusmao entrega Premeria Dama Timor Leste, Isabel Ferreira sai inan sarani Lusitania ne’e.

Roo Lusitania ne’e sei halo operasaun ho kontrola iha riku soin Timor Leste nian iha area Tasi Feto no Tasi mane nian nebe durante movimentu nauk ten ne’e makaas tebtebes.

PM Xanana Gusmao ne’ebe halo inagurasaun ne’e hateten, Timor Leste iha tan Ro ida ba UPM no husu para atu servisu maka’as liu tan hodi kombate peska illegal ne’ebe tama mai naok Ikan iha Tasi laran TL.

Iha Oportunidade ne’e mos, Primeiru Ministru xanana Gusmao Sekretariu Estadu Seguransa atu tau orsamentu para halo manutensaun, tamba durante ne’e la lao programa ho diak.

“Ne’e hau ezizi beibeik kada instituisaun Estadu hodi halo nia programa ho diak, lae, ita sosa deit-sosa deit, halo fali expozisaun ro kiik oan sira iha sorin balun ne’eba, ne’e duni ita temi osan laiha, porque ita la halo ita nia programa ho diak hodi hare katak ita tau osan ba iha ne’eba,” dehan PM Xanana.

PM Xanana mos husu ba Komandante Policia Unidade Maritiam, Lino Saldanha atu haree programa no prioridade saida mak lao iha instituisaun laran para atu koalia sai, nune’e labele akontese tan failansu.

PM Xanana mos fo agradese ba Primeiru dama TL Isabel Ferreira tanba hakarak sai Inan Sarani ba Ro Lusittania nian.

”Onra boot ba ita hotu, liliu ba Unidade Meritima PNTL nian, tanba Inan sarani Primeiru Lansa Vizilansia ne’ebe intrega frata mak Primeira dama Republika ida ne’e nian, ne’e hanesan rekoinesementu boot ida ba ita boot, ne’eduni senora Primeira Dama TL ami hein katak, ho ita boot sai inan sarani ro ne’e bele lao ho diak tanba fira katak, loro-loron lao karik bele hameno katak, hau nia oan sarani ne’e lao diak ka lae,” dehan PM Xanana.

.