"Polisia Imigrasaun Fo Liberdade Ba Sidadaun Estranjeiru"

.

Notisia Husi TVTL - Sesta-Kalan, 03 Agustu 2012

Polisia imigrasaun fo livre ba sidadaun estranjeiru ne’ebe hatuun sasan iha Tasi Ibun, Parte Bebonuk tamba ema hirak ne’e tama ho dokumentus legal.

Aliende ne’e mos Polisia Maritima kaptura sidadaun Mianmar nain 4 no oras ne’e dadaun iha ona Komando PNTl Distritu Bobonaro nia responsablidade.

Ajuntu Diretur Imigrasaun informa katak, ema sidadaun estranjeiru hirak ne’e iha dokumentus legal, tamba ne’e dirasaun servisu imigrasaun fo livre ba sira.

Polisia kaptura ema hirak ne’e iha Tasi Ibun Bebonuk, Dili, tamba hatuun sasan iha Tasi Ibun.

Iha loron hanesan Polisia Unidade Patroilamentu Fronteira Maritima mos kaptura ema sidadaun Mianmar nain 4 tamba illegal tama Tasi Batugade nian.

Oras ne’e dadauk ema hirak ne’e iha ona komnado Polisia Distritu Bobonaro nia responsablidade.

Tuir informasaun husi Fronteira katak, ema sidadaun Mianmar hirak ne’e, iha motivu Politiku halai sai husi Mianmar, tamba ne’e sira lakohi ona atu fila ba sira nia rain.

Iha parte seluk, Ajunto Diretur Serviso Imigrasaun hateten, ema estranjeiru balun utilija vistu turista hala’o serviso iha Timor-leste, tamba ne’e Polisia kaptura no halao ona prosesu multa ba sira.

.