PN Sei Hetan Prado Foun: “Kareta Pazero Sei Halo Lelaun”

.

Jornal Nasional Diario - Sesta-Feira, 24 Agustu 2012

Kareta Pazero ho numero matrikula MP-88 ne’ebe membru parlamentu nasional II Legislatura utiliza sei hal lelaun internal ba funsionariu Parlamentu ho mos ba eis deputadu sira.

Ba eis deputadu sira ne’ebe lakohi simu lelaun kareta ne’e, mak funsionariu Publiku parlamentar nian iha direitu atu lelaun, maske nune’e, kareta MP-88 barak mak sei uitliza husi deputadu sira.

“Hau hatene kareta ne’ebe mak II Legislatura sira uza ne’e sei halo lelaun internal ba eis deputadu sira, maibe sei eis deputadus sira la kohi lelaun entaun funsionariu publiku Parlamentu Nasional iha direitu atu halo lelaun,” haklaken membru PN husi Bancada Partido Demokratiku (PD), Virgillho da Silva Hornai ba JNDiario iha PN, Kinta (23/8).

Ba kestaun planu lelaun kareta ne’e lori konfuzaun boot ba membru PN husi Bancada FRETILIN, Josefa Pereira, tamba kareta ho Laptop ne’ebe durante ne’e deputadu sira iha, II legislatura utiliza ne’e kabe ba patrimonia estadu nian.

Nune’e kuandu servidor estadu sira nia mandatu remata ona, tenki intrega ba instituisaun estadu relevante.

Josefa Pereira konsidera katak, situasaun ne’e mosu nuudar erru boot husi meja Parlamentu Nasional ne’ebe durante ne’e nunka husu tuir paradeiru kareta MP-88 nian.

“Lolos ne’e kareta sira ne’e kuandu ex-deputadu sira nia mandatu hotu, sira intrega nune’e membru PN foun sira tama karik sira uza depois mak lori tempu hein kareta foun,” dehan Josefa Pereira.

Tuir Deputada Josefa Pereira katak, hahalok sira hanesan ne’e tuir lolos labele konsiente, se lae bele sai hanesan virus ida ne’ebe sei daet ba beibeik.

Realidade ne’e mak iha deputadu husi III legislatura balun mak sei infrenta falta de fasilidade, mesmu sira halao sira nia funsaun tiha ona, Josefa Pereira informa mos katak fulan oin mai (setembru-red) deputadu III legislatura nian, sei hetan fasilidade transporte hanesan kareta ho tipo prado, tamba oras ne’e dadaun iha hela prosesu atu hatama mai Timor Leste.

Ba akestaun ne’e, foin lalais iha kareta prado foun lima mak haruka uluk ona ba PN, maibe tanba ezizensia dehan, hotu-hotu hakarak kareta prado ne’e mak nia prosesu atraza, maibe pozitivu sei mai iha fulan oin ne’e, Politika tinan lima-lima sosa kareta foun ba PN, ne’e hanesan estadu halo despezas boot hodi la hare ba kondisaun real povu nian maibe hakarak hatudu loko an de’it.

.