PM Xanana Alerta: “F-FDTL Ho PNTL Tenke Evita Halo Duvida”

.

Jornal Independente - Segunda, 27 Agustu 2012

Primeiru Ministru Xanana Gusmao husu instituisaun defeza no seguransa atu labele halo tan dividas hanesan buat ne’ebe akontese iha Governasaun Aliansa Maioria Parlamentar (AMP).

Xanana dehan, FALINTIL-Forsa Defesa Timor-Leste (F-FDTL) no Polisia Nasional Timor Leste (PNTL) tenke evita divida.

“Hau husu ba PNTL tantu F-FDTL atu fo atensaun tomak hodi la halo tan dividas arbiru de’it, tanba ultimaves mak hau selu imi nia dividas,” dehan Primeiru Ministru Xanana iha Portu Dili, Sabadu (25/8).

Nia dehan, iha tinan lima mai ne’e, instituisaun hotu tenki hadia aan hodi bele evita dividas tanba sei fo todan ba orsamentu estadu.

“Ita hotu hadia, hadia ita nia mentalidade, hadia ita nia kultura, hadia ita nia jestaun ba osan ne’ebe povu nia duni,” dehan Xanana.

“Hanoin didiak halo planu annual didiak, it abele respnde ba buat sira ne’e hotu, lae susar tebetebes, ital abele husik buat sira ne’e akontese, ita la halo ita nia progaram didiak tinan-tinan, fo sala mos ba governu maibe sala ne’e husi instituisaun rasik,” alerta PM Xanana Gusmao.

.