Pajero Sei Troka Prado: “Sosiedade Sivil Konsidera PN Tau Aas Interese Privadu”

.

Jornal Nacional Diario - Segunda, 27 Agustu 2012

Yayasan HAK no Luta Hamutuk (LH) konsidera membru Parlamentu Nasional (PN), terseiru lejislatura la tau aas interese povu ninian, maibe tau aas liu interese privadu, tanba maske haree ba kondisaun moris povu nian sei iha mukit nia laran, maibe deputadu sira hakarak sae tan fali kareta Prado hodi troka Pajero ne’ebe maka Parlamentu 2 lejislatura uza.

Diretur Luta Hamutuk, Mericio Akara hateten ho planu Governu atu sosa kareta ho merek Prado ba membru parlamentu Nasional tau interese privadu iha oin duke tau interese povu ho nasaun.

“Planu hola kareta foun nee, dezde Parlamentu anterior kedas iha ona lanu atu lelaun kareta ne’ebe ho merek Pajero membru parlamentu anterior nian, iha momentu ne’eba kedas planu sosa kareta ne’e realija, enatun ami hanoin, karik ita nia membru parlamentu Nasional sira ne’e hanoin servisu duke tau aas povu ho nasaun nia interese iha oin,” dehan Mericio Akara ba JNDiario, iha nia knar fatin, Farol, Dili (25/8).

Mericio Akara mos hatutan tan katak, planu hola kareta Prado ne’e mos sei fo impkatu ba alokasaun orsamentu jeral do Estado, tamba kareta ho merek Prado ne’e folin karun, ne’ebe sei hasai kustu ne’ebe bot liu.

“Ida ne’e sei fo impkatu ba orsamentu jeral do estadu, pajero deit karuk ona sa tan prado,” dehan nia.

Iha sorin seluk, Diretur Ezekutivu yayasan HAK Rogerio Viegas Vicete mos hateten, ho planu Governu nian ne’ebe atu sosa kareta ho merek Prado ba membru PN ne’e, ne’e hatudu katak, Parlamentu Nasional la dun tau interese ba povu nian maibe tau interese povu nian aas liu.

“Tuir loloos membru PN foun la presiza hola fali kareta foun, tanba kareta pajero ne’ebe membru PN tuan uza sei diak, ida ne’e hautudu katak membru PN laiha interse ba povu,” hateten Rogerio Vicente ba JNDiario iha nia knaar fatin Palapasu, Dili, Sesta (24/8).

.