Numeru Dezempregu Tinan-Tinan Aumenta: “KSTL Husu Governu Foun Kria Empregu”

.

Notisia Husi TVTL - Sesta-Kalan, 17 Agustu 2012

Nomeru dezempregu iha Timor Leste atinji pursentu 26.6 (rua nolu resin nen pontu nen), ho problema dezempregu ne’e, Konfederasaun sindikatu Timor Leste (KSTL) konsidera GOvernu laiha politika diak atu redus numeru ne’e.

Asuntu dezempregu sai preokupasaun boot ba KSTL durante ne’e, tuir peskiza ne’ebe KSTL halo, tinan-tinan forsa aboral aumenta ba beibeik no merkadu trabalo la konsege apsorbe hotu forsa aboral ne’ebe iha.

Jose da Kosta nuudar Prezidenti KSTL hateten, iha tinan liu ba KSTL halo ona dialogu ho SEPOPE oinsa atu defini implementa politika ba kriasaun ba jovens maibe laiha solusaun, tamba ne’e, iha tempu badak sei realiza hikas dialogu atu nune’e bele haree kona ba problema ne’e.

KSTL husu atu Governu foun ne’e, iha politika ne’ebe diak hodi kria impregu hodi halo inisiativu ba seitor privadu hodi nune’e bele redus numero dezempregu hodi nune’e bele garantia ba pas no estabilidade.

.