Musulmanu TL Selebra Idul Fitri: “Dr. Mari Alkatiri: TL Sai Izemplu Toleransia Relijaun Ba Mundu”

.

Jornal Nacional Diario - Tersa-Feira, 21 Agustu 2012

Timor Leste nasaun ho maioria nia populasaun relijaun katolika, sai ezemplu toleransia relijaun ba mundu tomak.

Izemplu toleransia relijaun ne’e, bele haree ho prejensa relijaun Islam, maski hamrik nuudar minoria komunidade musulumanu, maibe sir abele halao nia atividade relijaun ho livre no vontade, inklui komemorasaun loron Vitoria Idul Fitri 1433 H ne’ebe monu iha Dominggu (19/8).

Selebrasaun Loron Idul Fitri iha Timor Leste konsentra iha Mesquita An-Nur Kampung Alor, Dili ho Sholat Ied hamutuk ne’ebe hala’o hahu tuku 07:00 OTL.

Hola Prezensa iha Ied ne’e mos husi eis Primeiru Ministru I Governu Konstitusional, Mari Bim Amude Alkatiri, SekretariuEstadu Defesa, Julio Thomas Pinto, lideransa mulimanu Timor-Leste H. Hariff Abdullah Sagran no membru staff korpu diplomatiku ho Staff misaun UNMIT sira.

Ba Jornalista sira, Mari Alkatiri no H. Harif Abdullah Sagran esplika katak, Idul Fitri nudar Vitoria ba muslimanu sira iha mundu tomak, inklui Timor Leste hafoin hala’o jejum durante loron 30.

Nudar fundador nasaun no lideransa muslimumanu iha Timor Leste, Alkatiri hateten, nia parte senti kontenti haree ba toleransia relijaun iha nasaun ne’e, inklui rekoinesementu husi Governu ne’ebe tau loron boot idul fitri sai nudar loron feriadu nasional.

“Ohin ita haree, Timor Leste maioria katolika, noventa itall porsentu, maibe idul fitri ne’e feriadu nasional, ne’e hatudu momos katak, Timor Leste sai duni ezemplu boot ida ba mundu tomak,” hateten eis Primeiru Ministru ne’e.

Alkatiri hatutan tan, moris hanesan komunidade iha nasaun ida, relijaun labele afahe ema, tamba relijaun hanesan rikusoin ida ke povu iha.

“Se ita iha diferensia relijaun, laos iha defirensia sai fali iha ita nia sentidu nasaun nian, porque nasaun ne’e iha kultura oioin mais nasaun ida deit, ida ne’e mak ita bolu unidade nasional, ne’e unidade iha nasaun nia laran, biar relizaun la diferente,” dehan Alkatiri.

Tamba ne’e, hanesan lideransa fundador nasaun, nia apela ba relijaun hotu-hotu iha Timor-Leste para atu bele fo dame ba malu, ema hotu-hotu relizaun ida ne’ebe para atu komemora nia loron boot.

.