Mudansa Ba Estrutura GK, Cerilho Cristovao Troka Maria Domingas Alves

.

SAPO TL ho Suara Timor Lorosae - 08 de Agosto de 2012

Prezidente Republika, Taur Matan Ruak (TMR), Tersa (7/8), bolu Primeiru Ministru Indijitadu, Kay Rala Xanana Gusmao hodi informa atu halo mudansa ba lista Estrutura Governu Kolegasaun, ba iha pasta Ministeriu Defeza no Seguransa.

Tuir, PM Indijitadu, Kay Rala Xanana Gusmao, katak lista ba mudansa ne’ebe TMR husu atu halo mudansa, seidauk bele fo sai ba iha publiku, se maka atu tama no se maka atu sai.

“Ami aprezenta lista ne’e nia (PR TMR) husu atu halo mudansa, ne’eduni maka agora hau labele koalia lai kona ba mudansa hirak ne’e,” hatete Xanana ba Jurnalista iha Palacio Aitarak, Laran, Dili, Tersa (7/8).

Bazea ba informasaun katak, pasta ne’ebe iha lista estrutura GK, ne’ebe hato ba iha PR, Maria Domingas Alves maka asumi responsalvedade ba iha, Ministra Defeza no Seguransa.

Tuir informasaun ne’ebe, mosu iha publika katak, Maria Domingas Alves maka hato karta rejignasaun husi pasta Ministeriu Defeza no Seguransa.

Ne’eduni iha momentu ne’e kedas, Xanana ba hasoru TMR hodi halo mudansa ba iha lista Ministeriu Defeza no Seguransa.

Agora asumi pasta Ministeriu Defeza no Seguransa hodi troka Maria Domingas alves maka, Cerilho Cristovao.

.