“Movimentu Universitariu Husu Estadu TL Ho Indonesia Hodi Hatudu Ruin Heroi Sira”

.

Notisia Husi TVTL - Tersa-Kalan, 21 Agustu 2012

Movimentu Universitariu Buka Ema Lakon Forcadamente durante okupasaun Indonesia, rekomenda ba estadu Timor-Leste atu kontinua ezizi nafatin ba Governu Indonesia hodi buka tuir paradeiru komandante David Alex no nia kompaneiru sira seluk ne’ebe lakon iha okupasaun Indonezia.

Liu husi konferensia da imprensa Terca-feira ne’e iha Kampus FISIPOL UNTL, Movimentu Universitariu buka ema lakon rekomenda ba governu Timor-Leste atu kopera ho estadu Indonesia hodi buka tuir paradeiru gerileiru ne’ebe kaptura husi forca Indonesia.

“Rekomenda ba estadu Timor Leste, liu husi Prezidenti da Republika, Ministeriu Negosiu Estranjeiru atu kopera ho estadu Indonesia hodi hateten sai ba Timor no mundu konaba komandante David Alex Daitula nia mate no nia kumpaineiru hanesan, Vicente Reis ‘Sahe’, Kilik Waigae, Mahudu Rankadalak, ROdak, Sabalae no sira seluk ne’ebe ami la temi idaidak, ne’ebe lakon to’o agora sei nafatin misteriu hela ba povu Timor Leste,” dehan Porta Vos ne’e.

Iha konferensia da imprensa ne’e mos, sira husu ba ONU no komunidade internasional atu konsidera relatoriu Violasaun Direitus humanus uha Timor Leste no harii Tribunal Internasional ba kazu ne’e.

.