“Mandatu Kalbuady Iha FFTL Seidauk Remata”

.

Jornal Independente - Kuarta-feira, 22 Agustu 2012

Kargu Prezidenti Federasaun Futeboll Timor-Leste (FFTL) oras ne’e dadaun sai ona debate publiku, tanba Prezidenti FFTL Francisco Kalbuady Lay assume ona kargu politiku nu’udar Ministru Comersiu Industria I Ambinete.

Tuir fontes kredivel ida ne’ebe sumi mos pasta importante iha strutura FFTL hateten katak, Prezidenti FFTL Francisco Kalbuady tenki delega nia kargu ba Vise ruma tuir Estatutu FFTL hatete.

“Kargu ida Ministru ne’e, kargu politiku, politiku labele hasume hanesan Prezidenti FFTL, estatutu FFTL artigu 3, alina 1 hatete momos kona ba ida ne’e,” dehan Fontes ne’e ba jornalista sira horsehik.

Entertantu, Vise Prezidenti FFTL asuntu Loby iha rai laran, Francisco Jeronimo hatete, iha tempu badak estrutura FFTL sei tuur hamutuk hodi deskute asuntu delegasaun kargu prezidenti FFTL ba vice Prezidenti sira.

Maibe atu troka tenki liu husi kongresu, tamba mandatu kalbuady rasik seiduak remata.

“Estrutura FFTL la hatete komplatibilidade, atu troka prezidenti tenki liu husi kongresu,” dehan Francisco Jeronimu liu husi via Telefone.

Iha parte seluk, diariu ne’e tenta konfirma Prezidenti FFTL atual Ministru Comersiu Industria e Ambiente Francisco Kalbuady iha knaar fatin Fomentun Mandarin maibe lakohi fo komentariu, tanba preokupa hela servisu Ministeriu nian.

Tuir planu, iha fulan outubru selesaun nasional senior atu ba partisipa iha Suzuki Cap maibe to’o agora laiha preparasaun.

Aliende ne’e, selesaun ida seluk atu ba tuir Timor Sea Cup ne’ebe jogu entre Indonezia, Timor Leste, Australia iha loron 20 fulan-Setembru maibe to’o agora laiha preparasaun, tanba laiha kampo.

.