Kontrola Riku Soin TL: “Lere Husu Governu Sosa Ro No Helikoptru”

.

Jornal Nacional Diario - Kinta-Feira, 23 Agustu 2012

Xefe Estado maior Jeneral Forca Aramada F-FDTL Maijor Jeneral Lere Anan Timor husu ba V Governu Konstitusional atu sosa Ro no Helikoptru ba F-FDTL atu kontrola riku soin iha tasi laran.

“Ita nasaun rai maran oituan deit maibe tasi mak hadulas tamba ne’e importante mos atu kontrola rikusoin iha tasi laran, Governu tenki hola ro diak no Helikoptru atu hodi kontrola rikusoin iha tasi latan,” dehan Maijor Jeneral Lere Anan Timur relata kestaun ne’e ba Jornalista sira iha Kuarta (22/) iha Palacio Prezidenti Republika Aitarak Laran, Dili hafoin enkontru regular ho Prezidenti republika nudar komandante supreme Forsa Armada nian.

Lere husu ba V Governu konstitusional ne’ebe mak lidera husi eis komandante guereleiru FALINTIL, Kay Rala Xanana Gusmao ne’ebe asumi mos pasta Ministru Defesa I seguransa atu toma konsiderasaun nesesidades instituisaun F-FDTL ne’ebe durante ne’e infrenta.

“Prioridade baa mi nia instituisaun F-FDTL barak tebes mash au sempre dehan kuandu ema bosu ne’e kontenti hotu, kuandu ema hamlaha hanesan ita nia oan iha uma susu been laiha, ne’ebe hau hanoin ita nia governu tenki preokupa vida instituisaun Forsa nian,” afirma Maijor Jeneral Lere.

Nia mos hatutan tan,” ita haree sira nia hahan, sira nia hatais, toba fatin no Movimentu depois toma konta defesa ekzterna no interna,” haklaken Lere.

Lere mos informa katak, rekursu iha instituisaun F-FDTL sufisiente oituan ona, maibe instituisaun F-FDTL presija nafatin kapasitasaun no preparasaun ezersisiu para haklean liu tan kapasidade instituisaun no pessoal militares nian.

Eis komandante FALINTIL Regiaun I iha tempo rejistensia ne’e hateten katak, F-FDTL halao servisu nudar lutu nasaun nian, importante ba Governu atu preokupa nesesidade forsa armadas ninian para servisu lao diak liu tan.

.