“Komunidade Humboe Halerik Ba Estrada”

.

Jornal Independente - Segunda, 27 Agustu 2012

Xefe Suku Humboe, Distritu Ermera, Pedro Salsinha Exposto lamenta ho atensaun minimu husi Governu ba sira nia suku.

Nia dehan, durante tinan barak nia laran, governu la fo atensaun ba sira nia suku, liu-liu asesu ba estrada.

“Hahu husi tempo okupasaun Indoenzia to’o iha hetan ukun an, kondisaun estrada mak kontinua at nafatin hela deit,” hateten Pedro foin lalais ne’e.

Tuir Pedro, dala barak ona nia parte hato’o proposta ba Governu maibe laiha rezultadu pozitivu.

“Ami hatam proposta hahu kedas iha governu AMP, ami debates kedas hahu husi suku, mai sub distritu to’o iha Distritu, maibe to’o ikus la pasa,” dehan nia.

Tan ne’e, nia rekomenda ba governu foun atu bele hadia estrada rural sira ne’ebe mak iha aldeia sira, para povu bele asesu ba merkadu no bele sente rejultadu ukun aan.

“Husu ba Governu agora atu bele mai haree rasik ami nia kondisaun, se la hetan asesu mak povu la senti ukun an ne’e la’o to’o sira, maibe iha deit kapital,” dehan nia.

.