“Komemorasaun Loron FALINTIL Sei Loke Ho Reuniaun CPLP”

.

Notisia Husi TVTL - Sesta-Kalan, 17 Agustu 2012

Timor Leste sei komemora loron FALINTIL bad ala 37 ho Parada Militar, ba eventu ne’e sei hahu ho reuniaun CPLP ne’ebe, Timor Leste mak sai uma nain.

Nasaun lima ne’ebe pretense ba CPLP sei partisipa iha enkontru ne’e, xefe Gabinete Estadu Maior Jeneral Forca Armada, Maior Batista ‘Bersama’, liu husi konferensia da imprensa Sesta feira ne’e, iha edifisiu F-FDTL Fatiada hateten, Komemorasaun loron FALINTIL-FDTL ba dala 37 tinan ida ne’e, uniku oituan tamba hahu ho reuniaun CPLP ne’ebe Timor Leste mak sai uma nain.

Iha enkontru ne’e, sei koalia kona ba situasaun militar ba komunidade paises CPLP lingua Portuguesa.

Iha fatin hanesan, Xefe Gabinete do seguransa Joao Batista hateten, iha komemorasaun ne’e, kada distritu sei iha reprejetante veteranus nain rua hodi partisipa iha serimonia parada militar.

Nasaun ne’ebe sei partisipa iha reuniaun ne’e mak hanesan, Portugal, Brazil, Angola Mocambique no Sao Tome Prinsipiu, enkunatu nasaun Kabo Verde no Guinq Bisau sei la partisipa iha reuniaun CPLP.

.