Komemorasaun Loron FALINTIL 37: “PR Taur Matan Ruak La Partisipa Tamba Kondisaun Saude La Primiti”

.

Notisia Husi TVTL - Segunda-Kalan, 20 Agustu 2012

Timor Leste Segunda-feira 20 de Agustu komemora loron FALINTIL ba dala 37 iha Palasiu do Governu.

Xefe Estadu Mior Jeneral Lere Anan Timur husu ba Forsa F-FDTL atu sai ezepmlu diak ba povu hodi hala’o servisu ho responsablidade atu asegura pas no estabilidade iha rai laran.

Ba tinan ne’e, komemorasaun loron FALINTIL ba dala 37 hala’o iha Palasiu do Governu ho prezensa Xefe Estadu Maijor Jenerais husi nasaun CPLP inklui Gabinete V Governu Konstitusional, no lideransa Importante seluk hanesan Dr. Mari Alkatiri, Francisco Guterres ‘Lu-Olo’ Kay Rala Xanana Gusmao no seluk tan.

Iha diskursu xefe Estadu Maijor Jeneral Lere Anan Timur hateten, Forsa F-FDTL hanesan transformasaun husi FALINTIL, tamba ne’e Forca F-FDTL tenki sai ezemplu diak ba povu hodi servisu ho responsablidade atu asegura pas no estabilidade iha rai laran.

“Hau apela agora atu bele imi nafatin kontinua ezemplu ne’ebe diak aas liu, aas liu hotu-hotu, sai ezempli diak ba imi nia hahalok loro-loron nian ho diak, iha povu nia leet hodi rejolve problema, tenki sai mos fator ida atu halibur, la’os atu asai, nafatin pasiensia ho diak ba ema hotu-hotu, liu husi espirito ne’ebe ema hotu-hotu mehi ho puro atu rai ida ne’e hetan hakmatek no moris diak,” dehan Lere iha nia diskursu.

Iha parte seluk reprejetante estadu Maijor Jeneral husi Brazil no Indonesia kongratula F-FDTL no husu atu serviso ho professional no imparsial, tamba F-FDTL nu’udar luru ba nasaun.

Iha oportunidade ne’e, membrus F-FDTL 12 (sanulu resin rua) ne’ebe durante ne’e integra an iha kontijenti Portuguesa ne’ebe hala’o knaar iha misaun ONU durante fulan 6 iha Libanon, entrega bandeira RDTL ba Prezidenti parlamentu Nasional Vicente Guterres nuudar Simblo sira nia misaun remata ona ho susesu.

Iha Parte seluk, tuir Informasaun ne’ebe TVTL hetan katak, Prezidenti da Republika Taur Matan Ruak labele marka prejensa serimonia importante ne’e, tamba kondisaun saude la primiti.

.