“Kazu Kilat Lakon Iha Ona Departementu Justica PNTL Nia Liman”

.

Notisia Husi TVTL - Tersa-Kalan, 21 Agustu 2012

Komando Jeral PNTL delega ona kazu kilat lakon ba departementu investigasaun PNTL hodi prosesa, Ofisiais ne’ebe halakon kilat oras ne’e suspende hodi tuir prosesu investigasaun.

Kazu kilat lakon ne’ebe deskonfia halakon husi membru polisia servisu intelejensia iha loron 30 Jullu, liu ba oras ne’e komando delega ona departementu justica PNTL hodi prosesa, oras ne’e opisiais ne’e hetan suspensaun husi komando hodi supmete ba iha prosesu investigasaun.

Tuir Xefe departementu Justica PNTL Supertendente Xefi Jose Maria Neto katak, ofisiais ne’e suspende to’o loron 90, medidas ne’ebe sei fo defende ba konsellu superior.

“Kona ba kilat lakon, tuir despaixu kilat lakon mai ona departementu justica e agora dadaun loke ona prosesu displinar hasoru ami nia ofisial neebe maka halakon kilat ne’e,” dehan Xefe Departementu Justica.

Membru Polisia ne’ebe hetan suspensaun aliende ofisiais ne’ebe halakon kilat inklui mos komandante Polisia Distritu Manufahi ne’ebe hetan akuzasaun ba kazu krime eleitorais iha Distritu Manufahi, inklui membru Polisia ne’ebe deskonfia hamate joven ida iha parte Hera.

.