“Foos Tonelada 800 Sai Fuhuk Iha Armagen Tibar”

,

Notisia Husi TVTL - Sesta-Kalan, 24 Agustu 2012

Fos ho tonelada 800 (atus walu) ne’ebe oferese husi Governu popular China iha tinan 2011, ne’ebe rai iha sentru armagen Tibar barak mak aat, fos ne’e rasik agora dadaun labele fahe no konsume tamba fuhuk.

Observasaun Televizaun Timor Leste, Sesta-feira ne’e, iha Sentru armagen Tibar fo ho tonelada 800 ne’ebe ajuda husi Governu popular China iha tinan 2011 barak maka aat.

Tuir fontes balun hateten, foos ne’e rasik agora dadaun labele halo konsume, tamba foos refere metan no fuhuk no karon barak mak kuak tamba rai iha Armagen kuaze tinan ida ona.

Komunidade balun ne’ebe sentru iha armagen Tibar hateten, Fos ne’e responsablidade husi Ministeriu Solidaridade Sosial (MSS), dirasaun Nasional asistensia social, maibe wainhira hala’o konfirmasaun ba diretor nasional asistensia social iha MSS Kaikoli, Dili, Diretur rasuk laiha fatin, tamba sei ba halao servisu iha Distritu.

Realidade ne’e hatudu katak, Ministeriu refere laiha planu no kapasidade atu jere foos hirak ne’e ho diak maibe estraga de’it, tamba sa mak foos hirak ne’e la fornese ba Igreija, Ofornato no ba komunidade hirak ne’ebe presiza, tamba ne’e Governu tenki presiza criteria no kria mekanismu diak ba aihan hirak ne’e, tamba komunidade balun iha kapital Dili no distritus sei infrenta kona ba hamlaha no menus ai han.

.