Estanislau Aleixo da Silva: “PN Husu Governu Sosializa Difinisaun Veteranus”

.

Jornal Timor Post - Kuarta-feira, 22 Agustu 2012

Deputadu husi Bancada FRETILIN, Estanislau Aleixo da Silva husu ba Governu atu halo sosializasaun ba difinisaun Veteranus atu nune’e jerasaun foun labele konfuzaun.

“Susesu ba ita nia luta libertasaun ne’e, mai husi kordenasaun ne’ebe mak hala’o diak entre frente tolu hanesan, Prente Armada, Klandestina no Diplomatika, tanba ne’e, tenki haree didiak definisaun ida, se la’e jerasaun aban bain rua iha konfuzaun, la hatene se loos mak veteranus,” Estanislau dehan liu husi sesaun plenaria iha Parlamentu Nasional, Tersa (21/8).

Estanislau informa tan, tenki haree didiak hodi labele hamosu ofendidu ba frenti diplomatiku no sira seluk.

“Ita tenki haree ba frente tolu ne’e hotu, ital abele hare deit ba frente klandestina no armadas, tanba se frente diplomatika la halao servisu maka’a luta ne’e, to’o agora la lao ba oin, to’o agora frente seidauk iha rekoinesementu, tanba ne’e mak tenki hare didiak ba difinisaun veteranus ne’e para labele halo ema balun ofendidu,” dehan nia.

Iha fatin hanesan, deputadu FRETILIN Francisco Branco mos konkorda ho preokupasaun ne’ebe hato’o husi nia maluk Estanislau Aleixo no hateten, oras ne’e tempo ona para veteranus sira rekoinese malu.

.