Deputadu III Lejislatura Iha PN: “La Dumina Lingua Portugues Sai Ostaklo Ba Halo Lejislasaun, Fiskalizasaun No Hola Desizaun Politika Ho Kualidade”

.

Notisia Husi TVTL - Kinta-Kalan, 23 Agustu 2012

Menus Rekursu Humanus, falta espasu no la domina lingua portuguesa sai obstaklu boot ba reprejetante povu iha uma fukun Parlamentu Nasional.

Preokuasaun ne’e deklara husi Vice Prezidenti Parlamentu Nasional Adriano Nascimento, wainhira sai orador iha seminariu nasional kona ba knaar Parlamentu Nasional ne’ebe organiza husi JSMP hamutuk ho lider komunidade iha edifisu korreios Dili.

Vice Prezidenti parlamentu Nasional hateten, menus rekursu humanus la dumina diak lingua portuguesa no mos falta espasu sai hanesan difikuldade ne’ebe deputadu sira hasoru iha terseiru lejislatura.

“Atu hadia klaru ke ita nasaun foun, kestaun mak rekursu umanus entermus de deputadu rasik e mos entremus de tekniku husi ema professional sira, hodi deputadu halao nia knaar lejislasaun, fiskalizasaun no hola desijaun politika ho kualidade, ne’ebe mak dezafiu ba Deputadu sira, PN tenki hadia ida ne’e hodi fo kapasitasaun ba deputadu sira, problema seluk mos tamba iha PN fatin kloot, problema mos tamba lingua, tamba lingua ofisial tetum ho portugues” dehan Adriano do Nascimento.

Kona ba preokupasaun ne’e Diretur JSMP no lider komunidade sira hateten, estadu tenki iha kbiit atu hadia limitasaun hirak ne’e, nune’e deputadu sir abele hala’o knaar ho efikhas no efisiensia.

Seminariu ne’e hetan prejensa husi lider komunitariu husi Distritu no mos deputadu Bancada Opozisaun FRETILIN Francisco Branco.

.