Bancada FRETILIN Sei La Envolve Iha Meza Komisaun PN. “Politika Exklusaun Sai Hanesan Kultura Politika Iha TL”

.

Notisia Husi TVTL - Tersa-Kalan, 07 Agustu 2012

Bancada Opozisaun FRETILIN iha uma fukun Parlamentu Nasional sei la envolve iha meza komisaun Parlamentu nasional.

Bancada FRETILIN konsidera politika exklusaun sai hanesan kultura politika iha Timor-Leste.

Xefe Bancada Partidu FRETILIN Aniceto Guterres hato’o kestaun ne’e iha uma fukun Parlamentu Nasional, tuir Aniceto katak, maske la involve iha meza komisaun maibe deputadu Bancada FRETILIN sei kontinua hala’o kna’ar deputadu nian hanesan, halo fiskalizasaun, halo lei no foti desizaun politka, tuir lei inan Republika Demokratika de Timor-Leste artigu 92.

“Deklarasaun Politika, kultura politika ida uluk 2007 ninian ne’e sei la muda, ne’e sai hanesan kultura politika ida, kultura politika ida ezekluzaun ka konfrontasaun ne’e, ida ne’e la muda, entaun ami laiha nesesidade, ida ne’e ami la presiza ba kaer ka tuur iha meza da komisoens, komisaun ami partisipa, ami nia membru bankada sei partisipa hanesan deputadu, fahe tuir proporsionalidade ne’ebe meja Parlamentu nasional orsida sei halo, tamba politika ezkluzaun ida ne’e maka ami mos la hetan fatin iha meja Prezidensia Parlamentu ninian, ate iha governu ami hakarak partisipa mais sai eskluidu, tamba politika eskluzaun, ida ne’e kontinua akontese hanesan 2007 nian, maibe situasaun ne’e agora kontinua nafatin, 2012 mos kontinua politika ida ne’e, ida ne’e sai hanesan kultura politika ida iha Timor, pronto, ami tenki muda ami nia politika,” dehan Aniceto.

Hataan ba kestaun ne’e, segundu vise Prezidenti parlamentu Nasional, Aderito Hugo hateten, ida ne’e direitu deputadu sira husi bancada FRETILIN atu la envolve iha meza komisaun maibe lasignifika katak, sira sei la halo sira nia funsaun hanesan deputadu.

.