“Alkatiri Husu Politiku Labele Politiza Instituisaun F-FDTL”

.

Jornal Independente - Kuarta-feira, 22 Agustu 2012

Timor Leste presiza Forsa F-FDTL no PNTL ne’ebe mak professional, tanba ne’e, lideransa sira labele utiliza instituisaun rua ne’e atu defende sira nia kadeira.

Sekretariu Jeral FRETILIN, Mari Alkatiri hatete, akontesementu iha loron 15 Jullu 2012 tuir loloos bele hamosu problema boot, maibe lideransa FRETILIN sira mak hamrik hodi hakalma fila-fali situasaun ne’e.

“ONU nia forsa ita la presiza ona, maibe ita presiza hametin tan seguransa, pas no estabilidade iha ita nia rain,” dehan nia foin lalais ne’e.

Tuir nia, lideransa balun uza instituisaun PNTL no F-FDTL hodi kontrola situsaun, maibe, loloos ne’e uza politika no programa mak bele kontrola ho hakalma situasaun.

Nia dehan, instituisaun F-FDTL iha progresu barak, tanba kumpri planu 2020 (Vinte-vinte) hodi dezenvolve instituisaun For a defesa ne’e.

“Importante liu mak labele politija Forsa hodi servi partidu A ka B, inklui lideransa A ka B, ne’e labele, dehan nia, iha palasiu Governu horsehik.

Alkatiri hatutan, maske nune’e la signifika F-FDTL hamriik mesak, maibe presiza iha politiku maka kaer hanesan liu husi Prezidenti Republika no Governu.

Alkatiri mos husu ba Governu, liuliu Politiku sira hodi deside dezenvolvimentu forsa nian ho diak atu labele impata dezenvolvimentu forsa nian.

“Desizaun politika mak tenki loos, se lae empata dezenvolvimentu forsa nian,” haktuir Alkatiri.

Hela tinan 8 hoti to’o iha planu 2020 nia tarjetu, maibe nia haree, iha ona sinal Pozitivu iha instituisaun F-FDTL, maibe presiza iha planu ne’ebe diak liu tan ba dezenvolvimentu forsa nian.

.